चाळीसगाव;- शहरातील शिक्षक कॉलनी येथील रहिवासी असलेल्या 28 वर्षीय तरुणाने गळफास घेऊन आत्महत्या केल्याची घटना 30 नोव्हेंबर रोजी पहाटे साडेपाच वाजे पूर्वी घडली होती. याप्रकरणी तरुणाला आत्महत्येस प्रवृत्त केल्याप्रकरणी पाच जणांविरुद्ध चाळीसगाव शहर पोलीस स्टेशनला गुन्हा दाखल करण्यात आला आहे.
याबाबत सूत्रांनी दिलेली माहिती अशी की राहुल अशोक कोठावदे वाणी वय 28 या तरुणाने 30 नोव्हेंबर रोजी पहाटे साडेपाच वाजेपूर्वी राहत्या घरातील किचन रूम मध्ये छताच्या हुकला साडी बांधून गळफास घेऊन आत्महत्या केल्याची घटना उघडकीस आली होती राहुल याला संशयित आरोपी व अवैध खाजगी सावकार अविनाश पाटील राहणार मुक्तानंद नगर चाळीसगाव, सचिन उर्फ मनोज दिलीपराव चव्हाण राहणार पाटील वाडा चाळीसगाव संजय नामदेव पाटील राहणार चाळीसगाव ,कैलास बाजीराव पाटील राहणार रांजणगाव तालुका चाळीसगाव ,आणि अमोल मधुकर चौधरी राहणार हुडको कॉलनी चाळीसगाव यांनी मयताचे वडील अशोक रामदास कोठावदे यांनी दिलेल्या फिर्यादीनुसार राहुल याला व्यवसायाकरिता भरमसाठ व्याजदराने पैसे देऊन त्या बदल्यात व्याजासह मुद्दल रक्कम वसूल करून देखील पुन्हा पैशाची मागणी करून अशोक कोठावदे यांच्या मुलगा राहुल याने संशयित आरोपींच्या त्रासाला कंटाळून गळफास घेतल्याची फिर्याद दिल्यावरून संशयित आरोपींविरुद्ध चाळीसगाव शहर पोलीस स्टेशनला आत्महत्या प्रवृत्त केल्याप्रकरणी गुन्हा दाखल करण्यात आला आहे. तपास पोलीस उपनिरीक्षक योगेश माळी करीत आहे.