सावदा, लोकशाही न्यूज नेटवर्क
सावदा नगर परिषद हद्दीतील मालमत्ता धारक तसेच व्यावसायिक यांचे कडे नगरपालिकाची बऱ्याच काळापासून मालमत्ता कराची तसेच पाणीपट्टीची रक्कम थकीत आहे. तरी सदर थकबाकीदारांना नगरपरिषद कडून थकबाकीची रक्कम भरणे बाबत नोटीस बजावण्यात येत आहे.
तसेच वसुली करण्यासाठी ६ पथकांची नियुक्ती देखील करण्यात आलेली आहे. सदर नोटीस मध्ये थकबाकी भरणे बाबत दिलेली मुदत समाप्त झाल्यानंतर रहिवासी मालमत्ता धारकांचे नळ कनेक्शन कपात करण्यात येईल. तसेच व्यावसायिक मालमत्ता धारकांच्या दुकानांना सील लावण्यात येतील तरी नगरपालिका मुख्याधिकारी हर्षल सोनवणे व कर निरीक्षक चेतन पाटील यांचे तर्फे असे आवाहन करण्यात येत आहे. थकीत मालमत्ता धारकांनी व व्यावसायिकांनी लवकरात लवकर थकबाकी तसेच चालू रकमेचा भरणा करावा व आपल्यावर येणारा कटू प्रसंग टाळावा. असे आवाहन करण्यात येत आहे.
