प्रज्ञान रोव्हर समोर मोठा खड्डा, मार्ग बदलण्यात आला…ISRO कडून माहिती…
नवी दिल्ली, लोकशाही न्यूज नेटवर्क:
प्रज्ञान रोव्हरला चंद्रावर फिरताना एक मोठा खड्डा समोर आला. चंद्राच्या पृष्ठभागावर चार मीटरचे मोठे विवर सापडल्यानंतर प्रज्ञान रोव्हरला सुरक्षितपणे नवीन मार्गावर नेण्यात आले आहे.
Chandrayaan-3 Mission:
On August 27, 2023, the Rover came across a 4-meter diameter crater positioned 3 meters ahead of its location.
The Rover was commanded to retrace the path.It's now safely heading on a new path.#Chandrayaan_3#Ch3 pic.twitter.com/QfOmqDYvSF
— ISRO (@isro) August 28, 2023
भारतीय अंतराळ संशोधन संस्थेने सोमवारी दुपारी ट्विट केले की, रोव्हरला काठावरुन तीन मीटर अंतरावर एक खड्डा दिसला आहे आणि आता त्याला सुरक्षित मार्गावर पाठवण्यात आले आहे.
एक चंद्र दिवस पूर्ण होण्यास अवघे 10 दिवस शिल्लक असताना, स्पेस अॅप्लिकेशन सेंटर (SAC) चे संचालक नीलेश एम. देसाई यांनी रविवारी सांगितले की, चांद्रयान-3 चे रोव्हर मॉड्यूल प्रज्ञान चंद्राच्या पृष्ठभागावर फिरत आहे. इस्रोचे शास्त्रज्ञ सहा चाकी रोव्हरद्वारे अज्ञात दक्षिण ध्रुवापर्यंतचे जास्तीत जास्त अंतर कापण्याचे काम करत आहेत.
23 ऑगस्ट रोजी चांद्रयान-3 लँडर मॉड्यूल चंद्राच्या दक्षिण ध्रुवावर यशस्वीरित्या उतरले तेव्हा भारताने अंतराळ क्षेत्रात एक मोठी झेप घेतली. त्यामुळे ही ऐतिहासिक कामगिरी करणारा भारत हा पहिला देश ठरला आहे.
चंद्राच्या पृष्ठभागावर यशस्वीपणे उतरणारा भारत अमेरिका, चीन आणि रशियानंतरचा चौथा देश ठरला आहे.
