लोकशाही न्यूज नेटवर्क
बॉलिवूडचा किंगखान शाहरूख खान (Shah Rukh Khan) याच्या ‘पठाण’ (Pathan) या चित्रपटाची चाहते आतुरतेने प्रतीक्षा करत आहेत. तब्बल चार वर्षांनंतर शाहरूख मोठ्या पडद्यावर कमबॅक करतो आहे. त्यामुळे किंगखानचे चाहते खूप उत्सुक आहेत. भारतासोबतच दुबईतही (Dubai) ‘पठाण’ची चर्चा आहे. काल रात्री दुबईच्या बुर्ज खलिफावर (Burj Khalifa) ‘पठाण’चा ट्रेलर दाखवण्यात आला. यावेळी शाहरूखही उपस्थित होता. पडद्यावरचा त्याचा रोमान्स, ॲक्शन पाहून चाहत्यांनी एकच जल्लोष केला.
बुर्ज खलिफावर ‘पठाण’चा ट्रेलर झळकला आणि जमलेल्या सर्वांनी एकच जल्लोष केला. शाहरूखने चाहत्यांना अभिवादन केलं. शिवाय त्याची सिग्नेचर पोजही केली. सोशल मीडियावर या दरम्यानचे फोटो आणि व्हिडिओ व्हायरल होत आहेत. याठिकाणी किंग खानला मिळालेला प्रतिसाद पाहता दुबईतही शाहरुख, दीपिका पादुकोण (Deepika Padukone) आणि जॉन अब्राहमच्या (John Abraham) ‘पठाण’ची किती हवा आहे, हे दिसतं. शाहरुखचे कौतुक करताना चाहते थकत नाही. व्हिडिओ समोर आलेत ज्यामध्ये शाहरुख त्याच्या पठाणमधील गाण्यांवर नाचतांना दिसत आहे.
शाहरुख, दीपिका आणि जॉन यांच्या मुख्य भूमिका असणारा ‘पठाण’ हा सिनेमा येत्या २५ जानेवारीला हिंदी, तमिळ आणि तेलुगू या तीन भाषांमध्ये प्रदर्शित होणार आहे. शाहरुख या सिनेमातून जवळपास ४ वर्षांनी कमबॅक करतोय. याआधी तो २०१८ साली झिरो सिनेमात दिसला होता.पण झिरो चित्रपट सुद्धा मोठया पडद्यावर फ्लॉप ठरला. ‘पठाण’ सिनेमाच पहिलं पोस्टर रिलीज झाल्यापासूनच चर्चेत आहे. यानंतर ‘पठाण’चं बेशरम रंग गाणं रिलीज झालं आणि हा सिनेमा वादात सापडला.
