पाचोरा;- अवैध वाळू उत्खनन करून तिची वाहतूक करणारे तालुक्यात चार ट्रॅक्टरसह ट्रॉली जप्त करण्यात आल्या असून या प्रकरणी अज्ञात ट्रॅक्टर चालकांविरूद्ध पाचोरा पोलिसात गुन्हा नोंदविण्यात आल्याने वाळू तस्करांमध्ये भीतीचे वातावरण निर्माण झाले आहे.
पोलीस निरीक्षक राहुल खताळ यांच्या मार्गदर्शनाखाली पोलीस उपनिरीक्षक योगेश गणगे, पालिीस कॉन्स्टेबल योगेश पाटील, विनोद बेलदार, नरेंद्र नरवाडे, अशोक पाटील यांच्या पथकाने सापळा रचत खेडगाव (नंदीचे) गावानजीक एका ट्रॅक्टरचा पाठलाग केला मात्र चालक वाहन सोडून पसार झाल्यानंतर दोन लाख रुपये किंमतीचे विना क्रमांकाचे ट्रॅक्टर, ट्रॉली व ट्रॉलीतील एक हजार 500 रुपये किंमतीची एक ब्रास वाळू जप्त करण्यात आली. हडसन गावानजीक दोन लाख 50 हजार रुपये किंमतीचे ट्रॅक्टर, ट्रॉली व ट्रॉलीत दिड हजारांची एक ब्रास वाळू तसेच पुनगाव ते पाचोरा रस्त्यावरील बुर्हाणी इंग्लिश मिडीयम स्कूलजवळ तीन ाख रुपये किंमतीचे ट्रॅक्टर, ट्रॉली व ट्रॉलीत एक हजार 500 रुपये किंमतीची एक ब्रास वाळू आणि जारगाव चौफुली जवळ तीन लाख 25 हजार रुपये किंमतीचे ट्रॅक्टर, ट्रॉली व ट्रॉलीत 1 हजार 500 रुपये किंमतीची एक ब्रास वाळू जप्त करण्यात आली.
चारही ठिकाणाहुन ट्रॅक्टर चालक हे पसार झाले असून चार अज्ञात ट्रॅक्टर चालकांविरूद्ध पाचोरा पोलिसात गुन्हा नोंदविण्यात आला. पोलीस कॉन्स्टेबल विकास खैरे, कॉन्स्टेबल मुकुंद परदेशी, कॉन्स्टेबल दिलीप वाघमोडे व कॉन्स्टेबल सचिन निकम हे करीत आहेत.
