जळगाव ;- एका अनोळखी अंदाजे ५० वर्षीय व्यक्तीचा मृतेदह शहरातील छत्रपती शिवाजी नगर रेल्वे उड्डाण पुलाजवळ आढळून आल्याने खळबळ उडाली आहे. याप्रकरणी रात्री ८ वाजता जळगाव शहर पोलीस ठाण्यात अकस्मात मृत्यूची नेांद करण्यात आली आहे.
जळगाव शहरातील छत्रपती शिवाजी नगर रेल्वे उड्डाणपुलाजवळ एका अनोळखी अंदाजे ५० वर्षीय पुरूषाचा मृतदेह आढळून आल्याची घटना रविवारी २१ एप्रिल रोजी दुपारी ४ वाजता उघडकीस आली. पंचनामा करून मृतदेह शासकीय वैद्यकीय महाविद्यालयात दाखल करण्यात आला. वैद्यकीय अधिकारी यांनी तपासणी अंती मयत घोषीत केले. याबाबत जळगाव शहर पोलीस ठाण्यात अकस्मात मृत्यूची नोंद करण्यात आली आहे. मयताची ओळख पटविण्याचे आवाहन शहर पोलीसांनी केले आहे. पुढील तपास पोलीस नाईक प्रदीप पाटील हे करीत आहे.
