मुंबई, लोकशाही न्यूज नेटवर्क;
टीव्ही जगतातून एक दुःखद बातमी समोर आली आहे. अमिताभ बच्चन यांची नक्कल करून आणि अभिनय करून प्रसिद्ध झालेले तसेच हास्य मालिका ‘भाबीजी घर पर हैं’ फेम अभिनेता फिरोज खान यांचं निधन झाल्याचं वृत्त आहे. फिरोज खान यांचे हृदयविकाराच्या झटक्याने निधन झाले. 23 मे रोजी सकाळी त्यांनी बदायूंमध्ये अखेरचा श्वास घेतला. त्यामुळे लोक अभिनेत्याला ‘फिरोज खान अमिताभ डुप्लिकेट’ म्हणायचे. आता त्यांच्या निधनाने त्यांचे चाहते आणि कुटुंबीयांना धक्का बसला आहे. फिरोज यांच्या निधनाच्या वृत्तानंतर टीव्ही इंडस्ट्रीत शोककळा पसरली आहे.
फिरोज खान यांचे निधन
केवळ टीव्हीवरच नव्हे तर चित्रपटसृष्टीतही धुमाकूळ घालणारे फिरोज त्यानच्या मिमिक्री आणि बिग बींच्या अभिनयासाठी जगभर ओळखले जात होते. बॉलिवूड मेगास्टार अमिताभ बच्चन यांचा डुप्लिकेट बनून स्टारडम मिळवल्यानंतर फिरोज खान यांनी अनेक चित्रपटांमध्ये काम केले. फिरोज खान यांचे गुरुवारी, 23 मे रोजी पहाटे उत्तर प्रदेशातील बदाऊन येथे हृदयविकाराच्या झटक्याने निधन झाले.
फिरोज खानचा यांचे हिट शो
अमिताभ बच्चन यांचे डुप्लिकेट फिरोज खान यांनी अनेक टीव्ही मालिका आणि चित्रपटांमध्ये काम केले. ‘भाबीजी घर पर हैं!’, ‘जिजा जी छत पर हैं’, ‘साहेब बीबी और बॉस’, ‘हप्पू की उल्टान पलटन’ आणि ‘शक्तिमान’मध्ये तो दिसले होते. याशिवाय त्यांनी अनेक चित्रपटांमध्ये काम केले होते. फिरोज खान काही काळापासून बदायूंमध्ये होते आणि इथे राहूनही तो अनेक कार्यक्रमांचा भाग होते.
अमिताभ बच्चन यांची नक्कल करून फिरोज खान प्रसिद्ध झाला
फिरोज खान यांनी 4 मे रोजी बदायु क्लब येथे मतदार महोत्सवात शेवटचा परफॉर्मन्स दिला, ज्याचे लोकांनी खूप कौतुक केले. फिरोज खान सोशल मीडियावर खूप सक्रिय होते. अभिनेत्याची सर्वात खास गोष्ट म्हणजे त्यांनी अनेक चित्रपट कलाकारांची नक्कल केली, ज्यात दिलीप कुमार, शाहरुख खान, धर्मेंद्र आणि सनी देओल यांचा समावेश आहे.
