नवी दिल्ली, लोकशाही न्यूज नेटवर्क
काही दिवसात मे महिना संपत आला असून जून महिना सुरू होणार आहे. जून महिना सुरू होताचं अनेक आर्थिक नियम बदणार आहेत. 1 जून 2024 पासून कोणते नवीन आर्थिक नियम लागू होतील ते पाहुयात..
एलपीजी सिलेंडरची किंमत
तेल विपणन कंपन्या दर महिन्याच्या 1 तारखेला LPG सिलेंडरच्या किमती अपडेट करतात. मे महिन्यात तेल कंपन्यांनी व्यावसायिक सिलिंडरच्या दरात कपात केली. घरगुती सिलिंडर आणि व्यावसायिक सिलिंडरच्या किमती 1 जून 2024 रोजी अपडेट केल्या जातील.
बँकांना सुट्टी
रिझर्व्ह बँक ऑफ इंडिया (RBI) ने जारी केलेल्या बँक हॉलिडे लिस्टनुसार, बँका जूनमध्ये 10 दिवस बंद राहतील. यामध्ये रविवार, दुसऱ्या आणि चौथ्या शनिवारच्या सुट्ट्यांचाही समावेश आहे. राजा संक्रांती आणि ईद-उल-अधासारख्या इतर सुट्ट्यांमुळे जूनमध्ये बँक बंद राहणार आहे. अशा परिस्थितीत बँकेत जाण्यापूर्वी सुट्टीची यादी नक्कीच तपासा.
..नाहीतर मोठा दंड
वैध परवान्याशिवाय वाहन चालवल्यास मोठा दंड आकारला जाईल. हा दंड 1,000 वरून 2,000 रुपये केले जाईल. याशिवाय, अल्पवयीन व्यक्ती वाहन चालवताना आढळल्यास, त्याच्या/तिच्या पालकांवर कारवाई केली जाईल. तसेच वाहनाचे नोंदणी प्रमाणपत्रही रद्द केले जाईल. ड्रायव्हिंग लायसन्स मिळवण्यासाठी आवश्यक असलेली कागदपत्रेही सुलभ केली जाणार आहेत. याचा अर्थ मंत्रालय अर्जदारांना कोणत्या प्रकारच्या परवान्यासाठी आवश्यक कागदपत्रे प्राप्त करू इच्छित आहे याबद्दल आगाऊ माहिती देईल.