जळगाव , लोकशाही न्यूज नेटवर्क
मागील भांडणाच्या कारणावरून एकास चापट बुक्क्यांनी मारहाण करून फिर्यादीच्या खिशातील रोकड आणि चांदीची अंगठी अजबरदस्तीने हिसकावून घेतल्याचा प्रकार घडला असून याप्रकरणी एमआयडीसी पोलिसांत गुन्हा दाखल करण्यात आला आहे.
याबाबत सूत्रांनी दिलेली माहिती अशी कि, फिर्यादी तबस्सुम इकबाल खान वय २१ रा. गौतम नगर तांबापुरा जळगाव या नोकरी करीत असून मागील कारणावरून संजना फरहान खान , फरहान शब्बीर खान रा. गौतम नगर जालगाव या दोघांनी तबस्सुम यांना मारहाण करून त्यांच्याकडील रोकड आणि १० ग्राम वजनाची चांदीची अंगठी बळजबरीवरून हिसकावून घेतली.याप्रकरणी एमआयडीसी पोलीस स्टेशनला गुन्हा दाखल करण्यात आला असून तपास पोलीस उपनिरीक्षक रुपाली महाजन करीत आहे.
