मुंबई, लोकशाही न्यूज नेटवर्क
मुंबईतील कांदिवली इथल्या विना संतूर इमारतीला दुपारी साडेबाराच्या सुमारास भीषण आग लागली होई. या आगीत दोन जणांचा होरपळून मृत्यू झाला आहे. आगीची माहिती कळताच अग्निशमंडळाच्या गाड्या घटनास्थळी पोहोचल्या आणि त्यांनी युद्धपातळीवर आग नियंत्रणात आणली.
नेमकी आग कशामुळं लागली हे अद्याप समोर आलेलं नाही.
सूत्रांच्या माहितीनुसार, मुंबईतील कांदिवली पश्चिमेकडील महावीर नगर येथील वीणा संतूर इमारतीला दुपारी १२.२७ वाजता ही आग लागली. सचिन तेंडुलकर क्रिकेट अकॅडमीच्या बाजूला असलेल्या या इमारतीच्या ग्राऊंड आणि पहिला मजला अशा दोन मजल्यांवर हि आग पसरली होती.
#WATCH | Mumbai: Earlier visuals of the fire that broke out in the Pavan Dham Veena Santur Building of Mahaveer Nagar in Kandivali West. The fire was taken under control with the help of 8 firefighters. https://t.co/8liMiz4lEb pic.twitter.com/BbQ3hLHmek
— ANI (@ANI) October 23, 2023
दोन जणांचा होरपळून मृत्यू
सुरुवातीला या आगीत एक वृद्ध महिला आणि एक लहान मुलांसह तीन जण गंभीर जखमी झाल्याची माहिती समोर आली होती. पण आता यात इतर दोन जणांचा होरपळून मृत्यू झाल्याची माहिती समोर आली आहे. जखमींवर जवळच्या रुग्णालयात उपचार सुरु आहेत.