जळगाव ;- हॉटेलच्या मागील खिडकीतून आत प्रवेश करून ड्रॉवरमधून २५ हजारांची रोकड अज्ञात चोरट्याने लांबविल्याची घटना ५ मे च्या रात्री साडेदहा ते ६ मे च्या सकाळी साडेनऊ वाजेच्या दरम्यान घडली .
याप्रकरणी हॉटेल चालकाने तालुका पोलीस स्टेशनला दिलेल्या तक्रारीवरून अज्ञात चोरट्यांविरुद्ध गुन्हा दाखल करण्यात आला आहे. याबाबत सूत्रांनी दिलेली माहिती अशी कि, जळगावच्या समर्थ कॉलनीत राहणाऱ्या विवेकानंद पाटील यांच्या मालकीचे तालुक्यातील विदगाव येथे तापी गार्डन नावाने हॉटेल असून ५ मे च्या रात्री साडेदहा ते ६ मे च्या सकाळी साडेनऊ वाजेच्या दरम्यान अज्ञात चोरटयांनी हॉटेलया मागील बाजूने प्रवेश करून ड्रॉव्हरमधील २४ हजार ५०० रुपयांची रोकड चोरून नेली. याप्रकरणी तालुका पोलीस स्टेशनला गुन्हा दाखल करण्यात आला असून तपास पोहेकॉ लक्ष्मण शिंदे करीत आहे.