जळगाव , लोकशाही न्यूज नेटवर्क
८ महिन्यांपासून फरार असलेल्या आणि चाेरी, घरफाेडीसह विविध प्रकारचे ३६ गुन्हे दाखल असलेल्या अट्टल गुन्हेगाराला एमआयडीसी पाेलिसांनी शनिवारी दुपारी ३ वाजता उमाळा येथे अटक करून त्याला अमळनेर पाेलिसांच्या ताब्यात देण्यात आले आहे.
भूषण उर्फ जिगर रमेश बाेंडारे (वय २६, रा. उमाळा, ता. जळगाव) असे या घरफोड्याचे नाव आहे . तो उमाळा येथे असल्याची माहिती एमआयडीसी पाेलिसांना अमळनेर पाेलिसांकडून मिळाली होती . त्यानुसार पाेलिस ठाण्याचे निरीक्षक जयपाल हिरे यांच्या सूचनेवरून पीएसआय आनंदसिंग पाटील, गणेश शिरसाेळे, किशाेर पाटील यांच्या पथकाने त्याला जेरबंद केले.