भयंकर ! महिलेवर गँगरेप, गुप्तांगात रॉड घुसवला, गोणीत भरून फेकले रस्त्यावर

दिल्ली, लोकशाही न्यूज नेटवर्क 

देशात महिलांवरील अत्याचाराचे प्रमाण दिवसेंदिवस वाढतच आहे. त्यात एक भयंकर घटनेने देश हादरला आहे.  एका महिलेवर दोन दिवस सामूहिक बलात्कार (gang rape) करून तिच्या गुप्तांगात रॉड घुसवल्याची भयंकर घटना समोर आली आहे.

उत्तर प्रदेशातील (UP) गाझियाबाद (Ghaziabad) जिल्ह्यात दिल्लीतील (Delhi) एका ३८ वर्षीय महिलेचे अपहरण करून तिच्यावर पाच नराधमांनी सामूहिक बलात्कार केला.  सध्या ही महिला दिल्लीतील रुग्णालयात मृत्यूशी झुंज देत आहे. ती रस्त्यावर एका पोत्यात हातपाय बांधलेल्या स्थितीत सापडली होती. पीडित महिला आपल्या भावाचा वाढदिवस साजरा करून गाझियाबादहून परतत होती. ती बसची वाट पाहत असताना एक स्कॉर्पिओ गाडी त्या महिलेजवळ आली आणि पाच जणांनी तिला गाडीत ओढले. आरोपींनी तिला एका निर्जन स्थळी नेऊन तिच्यावर बलात्कार केला.

गाझियाबादचे एसपी सिटी म्हणाले की, “18 ऑक्टोबर रोजी नंदग्राम (यूपी) पोलिसांना माहिती मिळाली की आश्रम रोडजवळ एक महिला पडली आहे. त्यानंतर पोलिसांनी तात्काळ तिला रुग्णालयात दाखल केले. ती दिल्लीची रहिवासी असून नंदग्राम येथील तिच्या भावाच्या घरी आली होती. तिच्या भावाने तिला तिथे सोडल्यानंतर तिच्या ओळखीच्या 5 लोकांनी तिला पळवून नेले आणि तिच्यावर सामूहिक बलात्कार केला. आत्तापर्यंत या प्रकरणात ४ जणांना अटक करण्यात आली असून एफआयआरही नोंदवण्यात आला आहे. त्यांच्यात मालमत्तेचा वाद असल्याचे बोलले जात आहे आणि हे प्रकरण न्यायप्रविष्ट आहे. पोलिसांनी पुढे सांगितले की आम्ही सर्व आवश्यक कारवाई करत आहोत.

हर दिन दरिंदगी, हैवानियत देख देखकर मन टूटता है। महिलाओं और बच्चियों की चीखें कानों में गूंजती हैं। क्या बेटियाँ ऐसे ही मरती रहेंगी? pic.twitter.com/dLz2IZooBc

— Swati Maliwal (@SwatiJaiHind) October 19, 2022

DCW चेअरपर्सन स्वाती मालीवाल यांनी ट्विटरवर एक व्हिडिओ शेअर केला आणि गाझियाबाद पोलिसांना नोटीस बजावल्याचे सांगितले. त्या म्हणाल्या, “महिलेच्या प्रायव्हेट पार्टमध्ये रॉड घातला होता. ती रस्त्यावर सापडली तेव्हा रॉड तिच्या आतच होता. शिवाय, हे प्रकरण अगदी निर्भयासारखे आहे..  किमान हे प्रकरण जलदगतीने चालवावे आणि या लोकांना कठोर शिक्षा द्यावी असे माझे आवाहन आहे.”