भूकंपामुळे जपानच्या समुद्रकिनाऱ्याचे दृश्यच बदलले; समुद्र गेला तब्बल 820 फूट मागे…

 

नवी दिल्ली, लोकशाही न्यूज नेटवर्क;

 

जपानमध्ये नवीन वर्ष सुरू होताच एका धोकादायक भूकंपाने कहर केला. भूकंपामुळे त्सुनामीचा इशाराही देण्यात आला होता. मात्र, त्सुनामी आली नाही. मात्र याचदरम्यान एका धोकादायक भूकंपामुळे समुद्रकिनाऱ्याचे दृश्यच बदलले. येथे भूकंपानंतर समुद्र एक-दोन फूट नव्हे तर तब्बल 820 फूट मागे गेला. एवढेच नाही तर भूकंपानंतर जपानचा किनारा वर आला, त्यामुळे समुद्र मागे गेला. हे सॅटेलाइट इमेजेसवरून कळते आहे.

सॅटेलाइट इमेजनुसार, 1 जानेवारी 2024 रोजी जपानमध्ये झालेल्या भीषण भूकंपानंतर, त्याचे किनारे 800 फुटांपेक्षा जास्त सरकले आहेत. जपानच्या नोटो द्वीपकल्पात वर्षाच्या पहिल्या दिवशी ७.६ रिश्टर स्केलचा भूकंप झाला. भूकंपानंतर नोटो द्वीपकल्पातील लोकांना सुनामीच्या भीतीने सुरक्षित ठिकाणी जाण्यास सांगण्यात आले. यानंतर तेथील जमिनीत फरक दिसून येत आहे. अनेक बेटे समुद्रात थोडीशी उंच झाली आहेत, त्यामुळे समुद्र थोडासा दूर सरकला आहे.

The earthquake that struck Japan’s Noto peninsula on Monday was so strong that the coastline has moved up to 250 meters offshore due to significant land uplift. pic.twitter.com/XpxBMLRTUU

— Nahel Belgherze (@WxNB_) January 4, 2024

भूकंपामुळे अनेक समुद्रकिनारे कोरडे, बोटींना जाणे कठीण…

भूकंपानंतर परिस्थिती किती बदलली आहे, हे सॅटेलाइट इमेजेसवरून कळू शकते. तुम्हाला फक्त चित्रांमधील फरक स्पष्टपणे कळेल. नाहेल बेल्गर्झने आपल्या ट्विटर हँडलवर हे फोटो शेअर केले आहेत. भूकंपामुळे अनेक किनारे कोरडे पडले आहेत. आता बोटींना किनाऱ्यावर पोहोचणे कठीण झाले आहे. भूकंप आणि त्सुनामीनंतर नोटो द्वीपकल्पात हे भौगोलिक बदल दिसून आले आहेत, ही एक धोकादायक परिस्थिती मानली जाऊ शकते.

जर तुम्ही सॅटेलाइट इमेजेस नीट पाहिल्या तर तुम्हाला दिसेल की ज्या ठिकाणी पूर्वी पाणी होते ते आता कोरडे पडले आहेत. पाणी परत गेले आहे. सुमारे 820 फूट मागे, जे दोन अमेरिकन फुटबॉल फील्डच्या लांबीइतके आहे. टोकियो विद्यापीठाच्या भूकंप संशोधन संस्थेच्या संशोधकांनी म्हटले आहे की, भूकंपानंतर नोटो द्वीपकल्पातील कैसो ते आकासाकीपर्यंत दहा ठिकाणी किनारपट्टीची जमीन उंचावली आहे. म्हणजेच समुद्राचे पाणी आणखी खाली गेले आहे. या प्रक्रियेला ‘कोसिस्मिक कोस्टल अपलिफ्ट’ म्हणतात.

सॅटेलाइट फोटोंमध्ये पुष्टी…

त्सुनामीच्या 14 फूट उंच लाटा आकासाकी बंदरावर आदळल्या. तेथील इमारतींच्या भिंतींवरील खुणांवरून हे उघड झाले. जपानी अंतराळ एजन्सी JAXA च्या ALOS-2 उपग्रहाने देखील किनारी उत्थानाची नोंद केली आहे.