धरणगाव ;- माहेरहून बुलेट गाडी घेण्यासाठी विवाहितेकडे पैशांची अंगणी करून तिचा शारीरिक व मानसिक छळ केल्याप्रकरणी धरणगाव पोलिसांत गुन्हा दाखल करण्यात आला आहे.
सूत्रांची माहिती अशी की, धरणगाव तालुक्यातील बांभोरी येथील माहेर असलेल्या भावना चंद्रकांत पाटील यांचा विवाह जळगाव तालुक्यातील कुसुंबा येथील चंद्रकांत रमेश पाटील यांच्याशी झालेला आहे. लग्नानंतर पती चंद्रकांत पाटील हा काहीही ना काही कारणावरून महिलेला टोचून बोलणे सुरू केले. त्यानंतर काही दिवसांनी विवाहितेला माहेरहून बुलेट गाडी घेण्यासाठी माहेरहून २ लाख रूपयांची मागणी केली. विवाहितेने पैसे आणले नाही म्हणून तिला शिवीगाळ करत मारहाण करण्यास सुरूवात केली. त्यानंतर सासू आणि सासरे यांनी अंगावरील श्रीधन काढून घेत माहेरी पाठवून दिले. हा प्रकार घडल्यानंतर विवाहितेने सोमवारी ३ जूलै रोजी सायंकाळी ५ वाजता धरणगाव पोलीस ठाण्यात धाव घेवून तक्रार दिली. त्यानंतर पती चंद्रकांत रमेश पाटील, सासरे रमेश माधव पाटील, सासू उषाबाई रमेश पाटील सर्व रा. कुसुंबा ता.जि.जळगाव यांच्याविरोधात धरणगाव पोलीस ठाण्यात गुन्हा दाखल करण्यात आला आहे. पुढील तपास पोहेकॉ खुशाल पाटील करीत आहे.