खाद्यसंस्कृती विशेष
साहित्य:
५०० ग्रॅम टोमॅटो, १ जुडी बेसिल पाने, २ चमचे साखर, १ मोठा चमचा कॉर्नफ्लावर (सूपला दाटपणा येण्यासाठी), १ मोठा चमचा लोणी, ४ पाकळया लसूण, १/४ चमचा मिरीपूड, मीठ चवीनुसार, क्रीम किंवा फेसलेली दुधाची साय सजावटीसाठी:
पावाचे भाजलेले किंवा तळलेले तुकडे सजावटीकरता
पाणी (आवश्यकतेनुसार)
( मोठा चमचा- टेबलस्पून आणि चमचा -टिस्पून)
कृती:
१. प्रथम टोमॅटो व बेसिल पाने स्वच्छ धूवून घ्या.
२. एका भांडयात पाणी घेउन गॅस चालू करून मिडीयम आचेवर पाणी गरम करून घ्या.
३. पाण्याला उकळी आली की त्यात टोमॅटो आणि बेसिलची पानं घालून ५ मिनिटे उकळू दया.
४. नंतर गॅस बंद करुन टोमॅटो थंड होऊ दया.
५. आता टोमॅटोची साले काढा.
६. टोमॅटो व बेसिल पानं मिक्सरमध्ये किंवा ब्लेंडरने प्यूरी करा आणि ही प्यूरी चाळणीने गाळून घ्या.
७. आता एक भांडे गॅस वर ठेवा. त्यात लोणी घाला, लसूण, ४/५ बेसिल पाने, कॉर्नफ्लावर, घालून नीट चमच्याने ढवळत रहा.
८. आता टोमॅटो प्यूरी व मीठ घाला, नंतर साखर, मिरीपूड घालून नीट ढवळत रहा. म्हणजे गुठळया होणार नाही.
९. तयार आहे तुमचे चविष्ट सूप, क्रीम व कृटोन्सने सजवा.
१०. गरम गरम सर्व्ह करा.
– अपर्णा स्वप्निल कांबळे – नांगरे
पत्रकार/फुड ब्लॉगर
९८९२१३८१३२
