मुंबई, लोकशाही न्यूज नेटवर्क
अभिनेत्री सुष्मिता सेन ‘आर्या ३’ या वेब सीरिजमधून पुन्हा एकदा दमदार कमबॅक करण्यासाठी सज्ज झाली आहे. या मालिकेच्या पहिल्या दोन सीझनमध्ये सुष्मिता सेनची आर्याची भूमिका चांगलीच गाजली होती. मागील सिजनमध्ये तिने जे काही केले ते आपल्या परिवारासाठी पण, आता या सीझनमध्ये ती जे काही करेल ते ती स्वतःसाठी करेल म्हणजेच ती डॉन म्हणून राज्य करेल. गुरुवारी मुंबईत ‘आर्या ३’च्या ट्रेलर लॉन्चवेळी सुष्मिता सेन म्हणाली की, यावेळी सर्व काही तीन वेळा पाहायला मिळेल
ट्रेलर लॉन्च दरम्यान, सुष्मिता सेनने ट्रेलरमधील ”बच्चों के हिफाजत के लिए माँ को राक्षस बनना पडता है..” असा संवाद बोलून खूप टाळ्या मिळवल्या. आठ वर्षांच्या दीर्घ विश्रांतीनंतर, सुष्मिता सेन २०२२ साली ‘आर्या या वेब सीरिजच्या पहिल्या सीझनमध्ये पुन्हा परतली आहे. सुष्मिता सेन म्हणते, ‘आठ वर्षांनी जेव्हा मी परतले तेव्हा मी स्वत:ला नवोदित समजत होते. आणि, एक नवोदित अभिनेत्री म्हणून अनेक पात्रं साकारायची आहेत, रोमँटिक पात्रं साकारायची आहेत, मला सर्वात धोकादायक खलनायकाची भूमिका करायची आहे.
