मुंबई, लोकशाही न्यूज नेटवर्क
अभिनेता अक्षय कुमार (Akshay Kumar) गेल्या काही दिवांपासून चर्चेत आहे. विशेष म्हणजे अक्षयच्या चित्रपटाकडे प्रेक्षकांनी पाठ फिरवल्याचे दिसून येत आहे. त्याचे चित्रपट पाहिजे तसे बॉक्स ऑफिसवर (Box Office) चांगली कामगिरी करू शकले नाहीत. एकामागून एक असे तब्बल ५ चित्रपट अक्षय कुमारचे फ्लॉप गेले आहे. असं म्हंटल जात आहे कि अक्षय कुमारची जादू कमी होत आहे. अक्षय कुमार एकमेव असा अभिनेता आहे, ज्याचे वर्षाला ४ चित्रपट प्रेक्षकांच्या भेटीला येत असतात आणि बॉक्स ऑफिसवर चांगली काम करतात.
सततच्या फ्लॉप चित्रपटामुळे आता अक्षय कुमारने एक मोठी घोषणा केली आहे. अभिनेत्याने सोशल मीडियावर एक पोस्ट शेअर करत त्याच्या आगामी चित्रपटाबद्दलची माहिती आपल्या चाहत्यांसोबत शेअर केली आहे. लवकरच अभिनेता अक्षय आणि रितेश देखमुख (Ritesh Dekmukh) हाऊसफुल ५ च्या माध्यमातून प्रेक्षकांच्या भेटीला येणार आहे. पोस्ट सोबतच अक्षय कुमारने रिलीज डेटही सांगितली आहे. या चित्रपटात अक्षय कुमार, रितेश देखमुख हे दोघंही महत्वाच्या भूमिकेत दिसणार आहे.
