नवी दिल्लीः मागील काही दिवसापासून सोन्याच्या दरात मोठी वाढ झाली आहे. तर चांदीही वाढली आहे. दरम्यान, आज गुरुवारी जून वायदा सोन्याच्या किमती मल्टी कमोडिटी एक्सचेंज (MCX) वर 0.31 टक्क्यांनी घसरल्या. त्याच वेळी एमसीएक्सवरील जुलै चांदीच्या वायदेच्या किमतीही 0.31 टक्क्यांनी घसरल्या. जागतिक स्तरावरील कमकुवत संकेतांमुळे गुरुवारी सोने 3 महिन्यांच्या उच्चांकावरून खाली घसरले.
सोन्याचा भाव
एमसीएक्सवर व्यापारादरम्यान जून वायदा सोन्याचा भाव प्रति 10 ग्रॅम 153 रुपयांनी घसरून 48,521 रुपये झाला. मागील व्यापार सत्रात सोन्याची किंमत 10 ग्रॅमच्या 3 महिन्यांच्या उच्चांकी 48,700 रुपयांवर पोहोचली होती.
चांदीची किंमत
त्याच वेळी एमसीएक्सवरील जुलै चांदीच्या फ्यूचर्सची किंमत 0.31 टक्क्यांनी म्हणजेच 224 रुपयांनी घसरून प्रतिकिलो 72,150 रुपये झाली.
मजबूत डॉलर आणि बाँड यील्ड्समधील तेजीमुळे सोन्याच्या किमतींवर दबाव निर्माण झाला. फेडरल रिझर्व्हच्या शेवटच्या मॉनिटरिंग पॉलिसी बैठकीच्या निर्णयानंतर बेंचमार्क यूएस ट्रेझरीचे उत्पन्न 1.664 टक्क्यांहून अधिक वाढले.