जळगाव, लोकशाही न्यूज नेटवर्क
जळगाव पोलिसांच्या शासकीय वाहनाचा मालेगावजवळ अपघात झाल्याने दोन पोलीस कर्मचारी जखमी झाले आहेत.
जळगाव पोलिसांच्या वाहनास मुंबई-आग्रा महामार्गावरील पोलिस चौकीजवळ कंटेनरने धडक दिल्याने दोन पोलीस कर्मचारी जखमी झाले आहेत. हा अपघात मंगळवारी दुपारी घडला. बाळू आधार पाटील व मोहंमद सलीम शेख हे शासकीय सुमो वाहनाने (क्रमांक- एमएच १९ एम ०७४१) मालेगावहून जळगावला परतत असतांना हा अपघात घडला. अपघातानंतर कंटेनर चालक फरार झाला आहे. या अपघातात बाळू आधार पाटील व मोहंमद सलीम शेख हे दोघे कर्मचारी जखमी झाले. अपघाताची माहिती मिळाल्याने तालुका पोलिसांनी घटनास्थळी धाव घेत जखमींना उपचारासाठी रुग्णालयात दाखल करण्यात आले आहे.
