पहूर, ता . जामनेर ( ता. १४ ) काल जळगावच्या कोविड रुग्णालयात उपचारादरम्यान मृत्यू झालेल्या पहूर कसबे येथील ‘ त्या ‘ तरुणावर आज दुपारी तीनच्या सुमारास शोकाकूल वातावरणात अंत्यसंस्कार करण्यात आले .
आज सकाळी जळगांव सामान्य रुग्णालयात शवविच्छेदन करण्यात आले . त्यांचा मृतदेह घरी न आनता थेट स्मशानभूमीत नेण्यात आला . शासकीय नियमानुसार सोशल डिस्टंसिंगचे पालन करत अंत्यसंस्कार करण्यात आले . यावेळी त्यांच्या दोघ चिमुकल्या मुलांसह पत्नी, आईने एकच हंबरडा फोडला . हे ह्रदयद्रावक दृष्य पाहून उपस्थितांची मनं हेलावून गेली .
सर्वांच्या सुख : दुःखात सहभागी होणाऱ्या या तरूणाच्या अकाली निधनाने गावात हळहळ व्यक्त होत आहे .
या तरुणाला श्वास घेण्याचा त्रास जाणवत होता .परंतू त्यास कोरोना सदृष्य लक्षण दिसत नव्हती . खबरदारी म्हणून त्याचे स्वॅब घेण्यात आले आहेत .