धरणगाव | प्रतिनिधी
शहरात करोना विषाणूचा प्रादुर्भाव रोखण्यासाठी नगरपरिषद कडून विविध उपाययोजना करण्यात येत आहे. गेल्या पंधरा दिवसांपासून शहरात साफसफाई तसेच फवारणी, धुरळणी सातत्याने करण्यात येत आहे.शासनाच्या सूचनेनुसार संपूर्ण शहरात सोडियम हाइपोक्लोराईटची फवारणी करण्यात येत आहे. त्याचप्रमाणे शहरातील मोकळ्या जागा, गटारी इत्यादी ठिकाणी जंतुनाशक पावडर टाकण्यात येत आहे.नगरपरिषद प्रशासनाच्या वतीने नागरिकांच्या आरोग्याची पूर्णपणे काळजी घेण्यात येत असून नागरिकांनी घरातच राहून नगरपालिकेला सहकार्य करावे विनाकारण घराबाहेर पडू नये असे आवाहन नगराध्यक्ष निलेश चौधरी व मुख्याधिकारी जनार्दन पवार यांनी केले आहे.
