जळगाव, लोकशाही न्यूज नेटवर्क
जळगाव शहरातील पिंप्राळ भागातील सोमानी गल्लीत चाकूचा धाक दाखवून दुकानदाराकडून दोन मोबाईल आणि आठशे रुपये रोकड असा मुद्देमाल लंपास केल्याचा प्रकार समोर आला आहे. याप्रकरणी रामानंदनगर पोलिस ठाण्यात ३ जणांवर गुन्हा दाखल करण्यात आला आहे.
संदीप शरद सोमानी (वय ४१, रा. सोमाणी गल्ली, पिंप्राळा, जळगाव) हे शुक्रवार १० डिसेंबर रोजी रात्री ९ वाजेच्या सुमारास त्यांच्या दुकानावर असताना ३ जण अचानक आले. त्यांच्यातील अक्षय बन्सीलाल धोबी उर्फ बाबू, जय सुतार, गोलू (पूर्ण नाव माहित नाही) यांनी चाकूचा धाक दाखवत शिवीगाळ केली व तुझ्याकडे काय आहे ते लवकर गल्ल्यातून काढ असे बोलून गल्ल्यातून ८०० रुपये काढले व फिर्यादीच्या हातातून दोन मोबाईल जबरी हिसकावून पसार झाले.
याप्रकरणी रात्री ११.३० वाजेच्या सुमारास संदीप सोमानी यांच्या फिर्यादीवरून ३ जणांवर रामानंदनगर पोलीस ठाण्यात गुन्हा दाखल करण्यात आला आहे. पुढील तपास पीएसआय गोपाल देशमुख करीत आहे.