यावल, लोकशाही न्यूज नेटवर्क
तालुक्यातील यावल चोपडा मार्गावरील नावरे गाव फाटयाजवळच्या शेतात विषारी सापाचा दंश झाल्याने तरूण शेतमजुराचा मृत्यु झाल्याची घटना समोर आली आहे.
सुनील भिमसिंग पाटील (वय ४२, रा. नावरे ता. यावल) हा तरूण शेतमजुरीचं काम करतो. सुनील पाटील हे दि. २१ डिसेंबर बुधवार रोजी सायंकाळच्या सुमारास पन्नालाल चम्यालाल जैन यांच्या वढोदे शिवारातील शेतात गुरांना कडबा चारा आणण्यासाठी गेला होते. मयत पाटील हे गावापासुन एक किलोमीटर लांब असलेल्या नावरे फाट्याजवळच्या शेतात गेले होते. ते उशीरापर्यंत घरी न आल्याने मयताची बहीण त्यास शेतात पाहण्यासाठी गेली असता शेताच्या बांधावर सुनिल पाटील हा मृत अवस्थेत आढळ्रन आला.
सुनील पाटील यांना विषारी सापाने दंश केल्याने त्यांचा दुदैवी मृत्यु झाला असावा असा संशय व्यक्त करण्यात येत होता. यावल ग्रामीण रुग्णालयात प्रभारी वैद्यकीय अधिकारी डॉ. शिवदास चव्हाण यांनी मयताच्या मृतदेहाचे शवविच्छेदन केले असुन त्यास डाव्या हाताला विषारी सापाने दंश केल्याने मरण पावल्याचे शवविच्छेदनातुन निष्पन्न झाले. याबाबत हिंमत बाबुराव पाटील (वय ४०, रा. नावरे) यांनी खबर दिल्याने यावल पोलीस ठाण्यात अकस्मात मृत्युची नोंद करण्यात आली आहे. याप्रकरणी पुढील तपास पोलीस निरिक्षक राकेश मानगावकर यांच्या मार्गदर्शनाखाली पोलीस उपनिरिक्षक सुदाम काकडे व पोलीस हॅड कॉस्टटेबल संजय देवरे पोलीस करीत आहे.