आंतरराष्ट्रीय, लोकशाही न्यूज नेटवर्क:
व्हिएतनामची (Vietnam) राजधानी हनोई (Hanoi) येथील एका अपार्टमेंट ब्लॉकमध्ये बुधवारी, १३ सप्टेंबर रोजी स्थानिक वेळेनुसार मध्यरात्री भीषण आग लागली. या अपघातात जवळपास 56 जणांचा मृत्यू झाला आहे. मृतांमध्ये लहान मुलांचाही समावेश आहे. अग्निशमन दलाच्या जवानांनी सुमारे 70 जणांची सुटका केली आहे. या इमारतीत सुमारे दीडशे लोक राहत होते. न्यूयॉर्क टाइम्सच्या वृत्तानुसार, आगीचे कारण अद्याप समोर आलेले नाही.
व्हिएतनामची राजधानी हनोईमध्ये आग लागली ती इमारत शहरातील निवासी भागात एका अरुंद गल्लीत होती. मात्र, आगीनंतर मदतकार्य वेगाने सुरू आहे. व्हिएतनामच्या वृत्तवाहिनीवरील अपघाताच्या छायाचित्रांमध्ये पाण्याने सुसज्ज अग्निशमन दल इमारतीतील आग विझवण्यात कसे व्यस्त होते हे स्पष्टपणे दिसत होते.
बुधवारी रात्री उशिरा लागलेल्या आगीनंतर इमारतीतून धुराचे लोट बाहेर पडताना दिसत होते. एएफपीच्या वृत्तानुसार, इमारतीच्या लहान बाल्कनी लोखंडाने वेढलेल्या होत्या, अपार्टमेंट ब्लॉकमध्ये फक्त एकच बाहेर जाण्याचा मार्ग होता आणि आपत्कालीन दरवाजाही नव्हता.
घटनास्थळी उपस्थित असलेल्या एका प्रत्यक्षदर्शीने माहिती दिली की, आग लागल्यानंतर अनेक लोक मदतीसाठी ओरडत होते. ब्लॉकजवळ राहणाऱ्या एका महिलेने घटनास्थळी एएफपीला सांगितले की अपार्टमेंट पूर्णपणे बंद होते, लोकांना पळून जाण्यासाठी जागाही मिळत नव्हती.
व्हिएतनाममध्ये वर्षभरापूर्वी हो चीन मिन्ह सिटी येथील व्यावसायिक केंद्रातील तीन मजली कराओके बारमध्ये लागलेल्या आगीत ३२ जणांचा मृत्यू झाला होता. या आगीत 17 जण जखमीही झाले आहेत. या घटनेनंतर बार मालकाला नियमांचे उल्लंघन केल्याप्रकरणी अटक करण्यात आली. 2018 मध्येही हो चिन मिन्ह सिटीमधील अपार्टमेंट कॉम्प्लेक्समध्ये लागलेल्या आगीत 13 जणांचा मृत्यू झाला होता. त्याआधी 2016 मध्ये हनोईतील कराओके इमारतीला लागलेल्या आगीत 13 जणांचा मृत्यू झाला होता.
