लोकशाही न्यूज नेटवर्क
आजकाल सर्वांकडे मोबाईल आहेत. हा मोबाईल जेवढा महत्वाचा आहे तेवढेच त्याचे दुष्परिणाम देखील आहेत. काही जणांना स्मार्टफोनची एवढी सवय झाली आहे की, ते टॉयलेटमध्ये देखील फोन वापरतात. तुम्ही देखील टॉयलेटमध्ये मोबाईल वापरत असाल तर ही बातमी नक्की वाचा, नाही तर तुमच्या आरोग्याला मोठे नुकसान होईल. जाणून घ्या अधिक माहिती..
संसर्गाचा धोका
टॉयलेटमध्ये मोबाईल वापरणे म्हणजे एकप्रकारे आरोग्याशी खेळणे आहे. कारण या ठिकाणी अनेक जंतू असतात. अशा वेळी तुम्ही येथे फोन वापरता, तेव्हा ते सहजपणे फोनमध्ये हस्तांतरित होऊ शकते आणि तुम्हाला बॅक्टेरियाचा धोका होतो. मोबाईल ही अशी वस्तू आहे की ती धुणे शक्य नसल्याने हे जंतू तुमच्या शरीरात प्रवेश करतात आणि विविध आजारांना कारणीभूत ठरू शकतात.
सांधेदुखी
ज्यावेळी लोक टॉयलेटमध्ये मोबाईल घेऊन जातात तेव्हा लोक येथे जास्त वेळ घालवतात, जे योग्य नाही. असे बराच वेळ बसले तर तुमच्या स्‍नायूंमध्ये जडपणा येऊ शकतो आणि गुडघेदुखी होऊ शकते. तुम्ही तुमच्या फोनसोबत अर्धा तास किंवा त्यापेक्षा जास्त वेळ कमोडवर बसून राहिलात, तर यामुळे तुम्ही नीट फ्रेश होऊ शकत नाही.
बद्धकोष्ठता
तुमच्या या सवयीमुळे तुम्ही बद्धकोष्ठतेचाही बळी होऊ शकता. बराच वेळ एकाच स्थितीत बसले तर तुमच्या शरीराला त्याची सवय होते. इतकेच नाही तर येथे जास्त वेळ घालवल्याने तुमच्या गुदाशयावर अनावश्यक ताण पडून हे नंतर मूळव्याध इत्यादींचे कारण बनू शकते.
मानसिक आरोग्यावर परिणाम
टॉयलेटमध्ये फोन वापरला तर तुमच्या मानसिक आरोग्यावरही वाईट परिणाम होतो. कारण जो वेळ तुम्ही इथे बसून स्वतःचा विचार करण्यात घालवू शकला असता, तो फक्त फोनवर राहून वाया जातो. त्यामुळे या सवयीचा तुमच्या मानसिक आरोग्यावरही परिणाम होतो.
