जळगाव, लोकशाही न्यूज नेटवर्क
जळगाव शहरातील जुने जळगावमधील आंबेडकरनगरात आज सकाळी ९.३० वाजता दोन घरांना अचानक आग लागल्याची घटना घडली. या आगीत संसारोपयोगी वस्तू जळून खाक झाली आहे. यावेळी जळगाव महानगरपालिकेचे दोन अग्निशमन बंबाने आग विझवण्यात आली.
आज सकाळी ९.३० वाजेच्या सुमारास डॉ. बाबासाहेब आंबेडकर नगरातील एका पार्टेशनच्या घराला अचानक आग लागली. या आगेमुळे शेजारी असलेले पार्टिशनचे घराने देखील पेट घेतला. ही आग नेमकं कोणत्या कारणाने लागली. याबाबत अद्याप माहिती मिळालेली नाही. यामध्ये दोन्ही कुटुंबातील घरातील संसारोपयोगी वस्तूंसह महत्वाची कागदपत्रे आणि महत्वाचा सामान जाळून खाक झाला आहे.
दरम्यान या घटनेची माहिती मिळाल्यानंतर जळगाव महानगरपालिकेचे दोन अग्निशमन बंब घटनास्थळी धाव घेऊन आग विझवली. या घटनेबाबत पोलिसात कुठलेही नोंद करण्यात आलेले नाही.
महापालिकेच्या अग्निशमन विभागाच्या पथकातील अग्नीशमन अधिक्षक शशिकांत बारी, गिरीश खडके, युसूफ अली, नंदू खडके, मोहन भाकरे, रवि बोरसे, रोहिदास चौधरी, पन्नालाल सोनवणे, संतोष पाटील यांच्यासह परिसरातील नागरीकांनी आग विझविण्यासाठी मेहनत घेतली.
