भुसावळ, लोकशाही न्यूज नेटवर्क
जर तुम्ही रेल्वेने प्रवास करणार असाल तर ही बातमी नक्की वाचा. कारण भुसावळ विभागातून धावणाऱ्या अप-डाउन मार्गावरील तब्बल १० गाड्या रद्द झाल्या आहेत.
मनमाड-दौंड सेक्शनमध्ये दुहेरी लाइन नॉन इंटर लॉकिंगची कामे होणार आहेत. त्यामुळे ब्लॉक घेण्यात आला असून या गाड्या रद्द करण्यात आल्या आहे.
या गाड्या रद्द
११०४१ दादर-साईनगर शिर्डी एक्स्प्रेस ही गाडी (२७ ते २९ सप्टेंबर, १,४,५,६ व ८ ऑक्टाेबर), साईनगर-दादर (२५,२८,२९,३० सप्टेंबर व २,५,६,७,व ९ ऑक्टाेबर), पुणे-अमरावती एसी (२८ सप्टेंबर व ५ ऑक्टाेंबर), अमरावती-पुणे ही गाडी दर गुरुवारी सुटते. ती २९ सप्टेंबर व ६ ऑक्टाेबर, पुणे-काझीपेठ एक्स्प्रेस ही गाडी दर शुक्रवारी सुटते. ती ३० सप्टेंबर व ७ ऑक्टाेबरला रद्द आहे. काझीपेठ-पुणे एक्स्प्रेस ही गाडी दर रविवारी सुटते. ती २५ सप्टेंबर व २,९ ऑक्टाेबर, पुणे-अजनी एक्स्प्रेस ही गाडी दर शनिवारी असते. ती १ ऑक्टाेबरला रद्द असेल.
तसेच अजनी-पुणे एक्स्प्रेस दर रविवारी सुटते. ती २५ सप्टेंबर व २ ऑक्टाेबर, पुणे-अजनी एसी एक्स्प्रेस दर शुक्रवारी असते. ही गाडी ३० सप्टेंबर व ७ ऑक्टाेबरला धावणार नाही. अजनी-पुणे एसी एक्स्प्रेस दर मंगळवारी सुटते. ही गाडी २७ सप्टेंबर व ४ ऑक्टाेबरला रद्द करण्यात आली आहे.
