मुंबई, लोकशाही न्यूज नेटवर्क
मुन्ना भाई आणि सर्किट पुन्हा एकदा त्यांच्या चाहत्यांना हसवण्यासाठी सज्ज झाले आहेत. स्वतः संजय दत्तने (Sanjay Dutt) हि माहिती दिली आहे. अभिनेता अर्शद वारसी (Arshad Warsi) आणि संजय दत्त लवकरच सिद्धांत सचदेव (Siddhant Sachdev) दिगदर्शित एका चित्रपटात झळकणार आहे. या चित्रपटाचे पोस्टर संजय दत्तने शेअर करत म्हटले, अखेर प्रतीक्षा संपली, आम्ही पुन्हा एकत्र येणार. दरम्यान संयज दत्त आणि अर्शद वारसी हे याआधी सुद्धा आपल्याला एकत्र मुन्ना भाई एम.बी.बी.एस या चित्रपट झळकले होते. २००३ साली प्रदर्शित झालेल्या “मुन्ना भाई एम.बी.बी.एस” चित्रपटातील ह्या जोडीने सर्व प्रेक्षकांना आपल्या अभिनयाने वेड लावले होते.
त्यासोबतच संजय दत्तच्या करिअर मध्ये “मुन्ना भाई एम.बी.बी.एस” ह्या चित्रपटाचा मोलाचा वाटा आहे. एकीकडे त्याच्यावर चालत असलेले खटले आणि सोबतच फ्लॉप चा लागलेला डाग शेवटी ह्या चित्रपटाने पुसून निघाला होता. त्यानंतर लगे रहो मुन्ना भाई ह्या चित्रपटाने देखील चांगलीच कमाई केली होती. तब्बल २० वर्षानंतर अर्शद वारसी आणि संजय दत्त पुन्हा एकदा त्यांच्या अभिनयाद्वारे प्रेक्षकांनची मन जिंकण्यास सज्ज झाले आहेत.
