अकराशे किलो शेंदूर काढल्यानंतर सप्तशृंगी मातेच्या मूर्तीचे दिसले मनोहारी मूळ रूप

गेल्या 45 दिवसांपासून ही मूर्ती संवर्धन प्रक्रिया सुरू होती. त्यामुळे देवीचे मंदिर दर्शनासाठी बंद ठेवण्यात आले होते.

आता संवर्धन प्रक्रिया पूर्ण झाली असून 26 सप्टेंबरपासून म्हणजेच घटस्थापनेपासून देवीचे मंदिर भाविकांना दर्शन खुले करण्यात येणार आहे.

मूर्ती संवर्धन प्रक्रिया सुरू केल्यानंतर देवीच्या रूपावरील मागील कित्येक वर्षांपासून साचलेला शेंदूर लेपनाचा भाग हा धार्मिक आणि शास्त्रोक्त पद्धतीने काढण्यात आला.

सप्तश्रृंगी देवीच्या मंदिरात 6 ते 8 सप्टेंबर दरम्यान धार्मिक पूजा हवन विधीचे आयोजन करण्यात आले होते.

त्यानंतर पितृपक्षात 1600 देवी अथर्वशिर्ष पठण अनुष्ठान सर्व भक्तांच्या कल्याणासाठी म्हणून नवरात्रपूर्वी होणार आहे.

त्यामुळे 26 सप्टेंबरला म्हणजे घटस्थापनेला सप्तशृंगी मातेच्या मूळ रूपाचं दर्शन सर्व भाविकांना घेता येणार आहे.