मिझोरम, लोकशाही न्यूज नेटवर्क
मिझोरममध्ये मोठी दुर्घटना घडलीय. बर्मी सैन्याचं विमान मिझोरममध्ये कोसळलंय. या विमानात पायलटसह १४ प्रवासी होते. लेंगपुई विमानतळ परिसरात हा भीषण अपघात झाला आहे. घटनेत जखमी व्यक्तींना जवळच्या रुग्णालयात दाखल करण्यात आले आहे.
घटनेबाबत मिळालेल्या अधिक माहितीनुसार, अपघातग्रस्त विमान लहान आकाराचं आहे. यामध्ये एकूण १४ प्रवासी प्रवास करत होते. यातील ८ जण जखमी आहेत. तर ६ जणांना सुरक्षित बाहेर काढण्यात यश आलंय. जखमींना उपचारासाठी तातडीने जवळच्या रुग्णालयात दाखल करण्यात आलं आहे.
https://x.com/ANI/status/1749689938533380538?s=20
हे विमान म्यानमारच्या लष्करी जवानांना बॅचमध्ये एअरलिफ्ट करण्यासाठी आले होते, ज्यांनी बंडखोरांशी लढा देत देश सोडून गेल्या आठवड्यात मिझोराममध्ये आश्रय घेतला होता. “म्यानमारच्या लष्करी विमान अपघातानंतर आयझॉल विमानतळावरील सर्व उड्डाणे वळवण्यात आली आहेत,” मिझोराम सरकारच्या एका अधिकाऱ्याने सांगितले, या घटनेच्या चौकशीचे आदेश दिले आहेत. लेंगपुई विमानतळावरून म्यानमारच्या एकूण 276 सैनिकांना आयझॉल येथे आणण्यात आले होते. म्यानमारच्या विमानाने लष्करी जवानांना तुकड्यांमध्ये घेऊन जाण्यासाठी व्यवस्था केली होती.
