पाचोरा, लोकशाही न्युज नेटवर्क
जिल्हा परिषद कन्या शाळा पाचोरा येथे शिकणारी विद्यार्थीनी उमैमा शेख रईस आपले पालकासह न्याय मागण्यासाठी व दारुड्यांचा बंदोबस्त व्हावा म्हणून पोलिस अधिकाऱ्यांच्या दारात पोहोचली. जिल्हा परिषद उर्दु कन्या शाळेच्या आवारात दर रात्री गावातील दारुडे जमतात व तेथे देशी व विदेशी दारू पिऊन तेथेच शाळेच्या दारात बॉटल्या फोडून जातात.
दि. २३ मार्च रोजी जि. प. उर्दू कन्या शाळा येथे शिकणारी विद्यार्थिनी वर्गात प्रवेश करतांना तिच्या पायात फुटलेल्या दारूच्या बाटलीमुळे जखम झाली. तिचा पाय रक्तबंबाळ झाल्याने विद्यार्थिनी व शिक्षक देखील घाबरले. जखमी अवस्थेत तिला दवाखान्यात दाखल करण्यात आले. रक्त जास्त वाहिल्याने तिच्यावर वैद्यकीय उपचार करण्यात आला.
दि. २५ मार्च रोजी रात्री दहा वाजता या टोळीला शाळेचे शिक्षक शेख मोहम्मद जावेद अब्दुल रहीम यांनी शाळेतील वर्गांसमोर दारूची बॉटलसह धरले. ह्या शिक्षकाने त्यांना समज दिल्याने त्यातून एक व्यक्ती दादाभाऊ चौधरी रा. बाहेरपूरा पाचोरा हे शिक्षकाचे अंगावर धावून आला. ‘पोलिसांना व कोणालाही बोलून आण, मला भय वाटत नाही’, असे सांगत होता. या मवाल्यांचा बंदोबस्त करण्यासाठी विद्यार्थी, शिक्षक मंडळ, उर्दू मुलांची शाळा पाचोरा, जिल्हा परिषद मराठी शाळा नंबर १, जागृती विद्यालय पाचोरा, शाळेच्या आवारात राहणारे नागरिकांनी पाचोरा पोलीस स्टेशनचे पोलिस निरीक्षक यांना दारुड्यांचा बंदोबस्त करण्यासाठी लेखी निवेदन दिले आहे.
या मैदानाच्या आवारात जिल्हा परिषद मराठी शाळा नंबर १, जागृती मराठी विद्यालय पाचोरा, उर्दू मुलांची शाळा, उर्दू कन्या शाळा आहेत व तेथे अल्पसंख्यांक समाजाचे विद्यार्थी, गौंड वस्तीत राहणारे गोरगरीब विद्यार्थी, दलित व मागासवर्गीय विदयार्थी शिक्षण घेण्यासाठी येतात. पाचोरा पोलिस निरीक्षक यांना निवेदन देतेवेळी मुख्याध्यापक एजाज रऊफ बागवान, शेख जावेद रहीम, अजहर खान मोतीवाला, लतिफ मेंमबर, इस्राईल खान, रिजवान खान, सईद शेख, हारून बागवान, सलीम शाह इत्यादी उपस्थित होते.
