मुंबई, लोकशाही न्यूज नेटवर्क
MPSC परीक्षेची तयारी करणाऱ्या विद्यार्थ्यांसाठी महत्त्वाची बातमी आहे. महाराष्ट्र राज्य सेवा मुख्य परीक्षा 2021 साठीचे प्रवेश प्रमाणपत्रे जारी करण्यात आली आहेत. उमेदवार अधितकृत संकेतस्थळ https://mpsconline.gov.in वर जाऊन प्रवेशपत्र डाऊनलोड करु शकतात. परीक्षा केंद्रावर प्रवेश प्रमाणपत्र बाळगणे आवश्यक असेल. उमेदवाराने आयोगाच्या संकेतस्थळावरून डाऊनलोड करुन प्रिंट केलेले प्रवेश प्रमाणपत्रसोबत आणणे अनिवार्य आहे.
राज्य सेवा मुख्य परीक्षा 2021 करीता प्रवेश दिलेल्या उमेदवारांची प्रवेश प्रमाणपत्रे उपलब्ध करून देण्यात आली आहेत. pic.twitter.com/ky4EKYGhtK
— Maharashtra Public Service Commission (@mpsc_office) April 28, 2022
महाराष्ट्र राज्य सेवा मुख्य परीक्षा 2021 (MPSC Exam 2021) दिनांक 7, 8 आणि 9 मे रोजी आयोजित करण्यात आली आहे. कोरोना विषाणूच्या पार्श्वभूमीवर आयोगाकडून जारी करण्यात आलेल्या सूचनांचे आणि नियमांचे पालन करणे आवश्यक आहे.
प्रवेश प्रमाणपत्र मिळण्यात कोणतीही अडचण निर्माण उमेदवारास आयोगाच्या [email protected] आणि [email protected] या ईमेलवर किंवा 1800 1234 274 किंवा 7303821822 या दूरध्वनी क्रमांकावर अधिक मदत मिळवू शकता.
