जागतिक सिंह दिनी पंतप्रधान नरेंद्र मोदींनी केले ट्विटद्वारे आवाहन ..

नवी दिल्ली ;- सिंहांच्या संवर्धन आणि संरक्षणाबाबत जनजागृती करण्यासाठी आज जागतिक सिंह दिन साजरा केला जात आहे. दरवर्षी 10 ऑगस्ट ला जगभरात साजरा केला जातो. या दिनानिमित्त पंतप्रधान मोदींनी ट्विट करून सिंहांच्या अधिवासाचे रक्षण करणाऱ्या सर्व लोकांचे कौतुक केले असून देशातील सिंहांच्या संख्येत सातत्याने वाढ होत असल्याचे त्यांनी सांगितले आहे.

पंतप्रधान मोदींनी ट्विट केले की, “जागतिक सिंह दिन हा त्यांच्या पराक्रमाने आणि वैभवाने आपल्या हृदयाचा ताबा घेणाऱ्या भव्य सिंहांचा उत्सव साजरा करण्याचा एक प्रसंग आहे. भारताला आशियाई सिंहांचे घर असल्याचा अभिमान आहे आणि गेल्या काही वर्षांत भारतात सिंहांची संख्या वाढली आहे.

World Lion Day is an occasion to celebrate the majestic lions that captivate our hearts with their strength and magnificence. India is proud to be home to the Asiatic Lions and over the last few years there has been a steady rise in the lion population in India. I laud all those… pic.twitter.com/ohWcPP2Ofe

— Narendra Modi (@narendramodi) August 10, 2023

सिंहांच्या संख्येमध्ये सातत्याने वाढ होत आहे. सिंहांच्या अधिवासाचे रक्षण करण्यासाठी काम करणाऱ्या प्रत्येकाचे मी कौतुक करतो. पुढील पिढ्यांसाठी त्यांची भरभराट होत राहावी यासाठी आपण त्यांचे पालनपोषण आणि संरक्षण करत राहू या.”गुजरातमध्ये विविध कार्यक्रमांद्वारे जागतिक सिंह दिन साजरा केला जाणार आहे. मुख्यमंत्री भूपेंद्र पटेल यांच्या उपस्थितीत जागतिक सिंह दिनाचा राज्यस्तरीय कार्यक्रम वर्चुअल माध्यमातून आयोजित करण्यात येणार आहे.

सौराष्ट्रातील दहा जिल्ह्यांतील आठ हजार पाचशेहून अधिक शैक्षणिक संस्थांमध्ये या सोहळ्याचे थेट प्रक्षेपण होणार आहे. कार्यक्रमादरम्यान, मुख्यमंत्री भूपेंद्र पटेल हे लायन इन्फॉर्मेशन वेब अॅपचे उद्घाटन करतील आणि वर्चुअल माध्यमातून लायन अँथम लाँच करतील.

जगातील एकमेव आशियाई सिंहांची संख्या भारतात आहे. हे सिंह गुजरातच्या गीर वन राष्ट्रीय उद्यानात आढळतात. भारत सरकार आणि इतर-सरकारी संस्थांच्या संवर्धनाच्या प्रयत्नांमुळे अलिकडच्या वर्षांत आशियाई सिंहाची संख्या सातत्याने वाढत आहे.

सिंह बद्दल या गोष्टी माहिती आहे का?

सिंहाचे वजन 190 किलोपर्यंत आणि सिंहाचे वजन 130 किलोपर्यंत असते.

सिंहाचे वय 16 ते 20 वर्षे असते.

सिंहाची ऐकण्याची क्षमता खूप जास्त असते.

भारताचे राष्ट्रीय चिन्ह अशोक स्तंभातील सिंहाची प्रतिमा आहे.

सिंह मांजरीच्या प्रजातीमध्ये येतात, म्हणून त्यांना मोठ्या मांजरी म्हणतात.

नर सिंहाच्या मानेवर केस असतात, परंतु मादी सिंहाच्या मानेवर केस नसतात.

 

साधारणतः ३ दशलक्ष वर्षांपूर्वी सिंह दक्षिण आफ्रिका, आशिया खंड, युरोप आणि मध्यपूर्व भागात मुक्तपणे संचार करीत असत. सध्या ते दोनच भागात आढळून येतात. ते भाग म्हणजे आफ्रिका आणि आशिया खंड हे आहेत. दुर्दैवाने काही सिंह कोठडीत असून ते तिथल्या अन्नावर गुजराण करताना दिसत आहेत.

इंटरनॅशनल युनियन फॉर कन्झर्वेशन ऑफ नेचर (आययूसीएन) नुसार सिंहांची प्रजाती धोक्यात असल्याचे आढळून आले आहे.

सध्या पृथ्वीवर ३०,००० ते १,००,००० सिंह बाकी आहेत. गेल्या काही दशकात सिंहांची संख्या निम्म्याने कमी झालेली आहे. त्यांची संख्या कमी होण्यामागे Trophy Hunting हा खेळ आणि सिंह रहात असलेल्या नैसर्गिक वनांचा , जंगलांचा ऱ्हास ही दोन प्रमुख कारणं आहेत.