शंभर कोटींपेक्षा अधिक मालमत्ता जप्त : नाशिकमध्ये आयकर विभागाची कारवाई

नाशिक: लोकशाही न न्युज नेटवर्क –

गेल्या काही दिवसांपासून आयकर विभाग चांगलाच सक्रिय झाला आहे. या विभागाने नुकतेच नांदेडमध्ये मोठी छापेमारी केली होती. या छापेमारीत कोट्यवधींची रोकड जप्त करण्यात आली होती. त्यानंतर आता नाशिकमध्येही अशाच प्रकारची कारवाई करण्यात आली आहे. येथे एका सराफा व्यावसायिकाशी संबंधित मालमत्तांवर छापेमारी करून आयकर विभागाने तब्बल २६ कोटी रुपयांची रोकड आणि ९० कोटींच्या बेहिशोबी मालमत्तेचे दस्तावेज जप्त करण्यात आले आहेत. आयकर विभागाच्या या कारवाईमुळेही कारवाई करताना नाशिक, नागपूर आणि जळगावचे अधिकारी एकत्र आले होते. त्यांनी एकूण २६ कोटींची रोकड जप्त केली आहे. ज्यावेळी आयकर विभागाच्या पथकाने छापेमारी केली त्यावेळी एका खोलीत पाचशे रुपयांच्या चलनी नोटांचा खच सापडला. घबाड इतका मोठा होता की जप्त केलेली ही रक्कम मोजण्यासाठी या अधिकाऱ्यांना तब्बल १४ तास लागले आहेत. सध्या नाशिकमध्ये एकच खळबळ उडाली आहे.
जप्त केलेली ही रक्कम मोजण्यासाठी आयकर विभागाला एकूण सात कार बोलवाव्या लागल्या. सलग ३० तास ही कारवाई चालू होती. सदर छापेमारीनंतर आता पुढे काय कारवाई होणार याकडे अनेकांचे लक्ष लागले आहे.नाशिक शहरात खळबळ

नाशिक शहरात एका सराफा व्यापाऱ्याकडे एवढ्या मोठ्या प्रमाणात बेहिशोबी मालमत्ता सापडल्यामुळे शहरात एकच खळबळ उडाली आहे. या कारवाईमुळे व्यापाऱ्यांमध्ये सध्या तणावाचे वातावरण आहे. आगामी काळात आयकर विभाग कारवाईचा भडका कोणावर उचलणार याची दबक्या आवाजात चर्चा सुरू आहे.