पुणे, लोकशाही न्यूज नेटवर्क
पुणे शहरातील बाणेर परिसरात मेट्रोचे काम सुरु असतांना हॅंडग्रेनेड सापडल्याची माहिती समोर आली आहे. मेट्रोचे खोदकाम सुरु असतांना हे ग्रेनेड आढळले आहेत. हे जमिनीमध्ये आले कुठून? असा प्रश्न उपस्थित केला जात आहे. दरम्यान हे हॅंडग्रेनेड निकामी करण्यासाठी बॉम्ब शोधक पथक तात्काळ घटनास्थळी दाखल झालं. यानंतर हे हॅंडग्रेनेड यशस्वीरीत्या निकामी करण्यात आले. तसेच यादरम्यान बाणेरहून विद्यापिठाकडे जाणारी वाहतूक देखील काही वेळासाठी थांबवण्यात आली होती.
