जळगाव , लोकशाही न्युज नेटवर्क
जळगावच्या सुवर्णबाजारात आज सोन्या चांदीच्या दरांनी ऐतिहासिक पातळी गाठल्याने ऐन लग्न सराईच्या मौसमात सर्वसामान्यांना फटका बसत आहे. जळगावच्या सुवर्ण बाजार पेठेत आज सोन्याच्या दरात प्रति १० ग्राम ला ६१ हजार ६६० रुपये तर चांदी प्रतिकिलो ७८ हजार १० रुपये इतका भाव मिळाला .
आतापर्यंतच्या इतिहासात सोने आणि चांदी च्या दराने इतकी विक्रमी पातळी गाठलेली नव्हती असे जाणकार सांगतात. काल सोन्याचे दर प्रति १० ग्रामला ६१ हजार ५२० रुपये भाव होता यात आज संकाळी ६ वाजेपर्यंत १४० रुपयांची वाढ होऊन सोन्याच्या दराने आत्तापर्यन्तचा विक्रम मोडीत काढला आहे. तसेच चांदीही चाकाकली असून काल चांदी प्रतिकिलो ७७ हजार ४१० रुपये दर मिळाला होता. यात तब्बल ६०० रुपयांची वाढ झाली .
