डोंबिवली :- पंतप्रधान नरेंद्र मोदी यांच्या नेतृत्वाखाली देश प्रगतिपथावर आहे. केंद्र व राज्य शासनाच्या मदतीने राज्यात पायाभूत सुविधांचे काम देशात नंबर वन आहे, तर परदेशी गुंतवणुकीत व जीडीपीतही महाराष्ट्र नंबर वनवर आहे. म्हणूनच नरेंद्र मोदी यांना तिसऱ्यांदा पंतप्रधान करण्यासाठी राज्यातून लोकसभेच्या ४५ प्लस जागा जिंकून देण्यात व अब की बार ४०० पार करण्यासाठी महाराष्ट्र कुठेही कमी पडणारनाही, असा विश्वास मुख्यमंत्री एकनाथ शिंदे यांनी व्यक्त केला. डोंबिवली येथील कार्यक्रमात ते बोलत होते.
डोंबिवली पूर्वेत सूतिकागृह व कॅन्सर व रुग्णालय, पश्चिमेतील फिश मार्केट, आयरे गाव येथील महाराष्ट्र भूषण नानासाहेब धर्माधिकारी सभागृहाचे भूमिपूजन तसेच शास्त्रीनगर रुग्णालयातील शवविच्छेदन केंद्र व नवजात शिशू अतिदक्षता विभाग आणि सुनीलनगर येथील अभ्यासिकेचे लोकार्पण रविवारी मुख्यमंत्री एकनाथ शिंदे यांच्या हस्ते करण्यात आले.
