पुणे, लोकशाही न्यूज नेटवर्क
अजित पवार गटाचे नेते दिलीप वळसे पाटील यांचा अपघात झाला आहे. त्यांना पुण्यातील एका खाजगी रुग्णालयात दाखल करण्यात आले आहे. घरातच पाय घसरुन पडल्यानं त्यांना दुखापत झाली आहे. वळसे पाटील यांच्या खुब्याला मार आणि हाथ फ्रॅक्चर झाला आहे. तसेच वळसे पाटलांवर रुग्णालयात शस्त्रक्रिया पार पडणार आहे. अशी माहिती मिळाली आहे.
रात्री अंधारात लाईट सुरू करायला जात असताना पाय घसरुन वळसे पाटील पडल्याची माहिती मिळत आहे. यात त्यांच्या हात, पाय आणि पाठीला दुखापत झाली.त्यांच्यावर पुण्यातील औंध येथील खासगी रुग्णालयात त्यांच्यावर उपचार सुरू आहेत. १२ ते १५ दिवस त्यांच्यावर उपचार सुरू राहतील असं सांगण्यात येत आहे.
लोकसभा निवडणुकीच्या तोंडावर दिलीप वळसे पाटील दुखापत झाले आहेत. त्यांच्यावर निवडणुकीची मोठी जबाबदारी आहे. शिवाजी आढळराव पाटलांच्या प्रचाराची प्रमुख जबाबदारी दिलीप वळसे पाटलांवर आहे.
