दहिगाव ता. यावल, लोकशाही न्यूज नेटवर्क
तालुक्यातील दहिगाव येथील युवराज वेडू चौधरी यांनी केलेल्या फेडच्या शेतात अज्ञात इसमाने कांद्याच्या रोपावर तणनाशक फवारणी केल्याने कांद्याचे रोप व मुगाचे रोप जळून खाक झाले. यामुळे शेतकऱ्याचे 25 हजाराचे नुकसान झाल्याचा दावा पंचनामा पीक संस्थेने केला आहे.
दहिगाव येथील युवराज चौधरी यांनी छगन पवार यांचे शेत गट नंबर 377 एक दोन मधील 14 वाफे कांद्याचे रोप लागवड केली होती. या रोपावर अज्ञात इसमाने तणनाशक फवारणी केल्याने हे रोप जळून खाक झाले आहे. याचबरोबर कांदा रोपाच्या बाजूला असलेल्या मुगाच्या पिकावरही फवारणी केल्याने मुंगपीकही जळून खाक झाले आहे.
याबाबतचा पंचनामा युवराज चौधरी यांनी पीक संस्थेला सांगितल्यावरून संस्थेचे चेअरमन रमेश पाटील व सचिव नरेंद्र पाटील यांनी घटनास्थळी भेट देऊन पाहणी करून पंचनामा केला. या अज्ञात इसमाविरुद्ध यावल पोलिसात तक्रार दाखल करण्यात येत आहे. अशा अनेक घटना परिसरात घडत आहेत.
