यावल, लोकशाही न्यूज नेटवर्क
किनगाव रस्त्यावर महिलेच्या दुचाकीवरून सोन्याच्या दागिन्यांसह रोकड असा एकुण ७२ हजार ५०० रूपये किंमतीचा मुद्देमाल असलेली पर्स लंपास केल्याची घटना समोर आलीय. याप्रकरणी यावल पोलीस ठाण्यात अज्ञात चोरट्यांवर गुन्हा दाखल करण्यात आला आहे.
मनीषा विजय खंबायत (वय ३०, रा. किनगाव ता. यावल हल्ली मुक्काम उपनगर, नाशिक) या महिला बुधवारी १९ जानेवारी रोजी सायंकाळी नंदोई भाऊ दिनेश दिगंबर लिंबायत यांच्यासोबत दुचाकीने किनगाव येथे जात असताना त्यांच्या दुचाकीला लावलेल्या पर्स अज्ञात चोरट्याने लंपास केली. यात सोन्याचे ब्रेसलेट, सोन्याच्या रिंगा आणि रोकड असा एकुण ७२ हजार ५०० रूपये किंमतीचा मुद्देमाल पर्ससहित चोरून नेला आहे.
याप्रकरणी मनीषा खंबायत यांनी यावल पोलीस ठाण्यात धाव घेऊन अज्ञात चोरट्यांविरोधात तक्रार दिली. त्यांच्या रात्री ८ वाजता यावल पोलिसात गुन्हा दाखल करण्यात आला आहे. पुढील तपास सहायक फौजदार अजिज हमीद शेख करीत आहे.
