चाळीसगाव ;- तालुक्यातील एका गावातून घरात झोपलेल्या १७ वर्षीय अल्पवयीन मुलीला 5 ऑक्टोबर ते 6 ऑक्टोबरच्या पहाटे चार वाजेदरम्यान एकाने फुस लावून पळवून नेल्याची फिर्याद मुलीच्या वडिलांनी दिल्यावरून मेहुणबारे पोलीस स्टेशनला एका विरुद्ध गुन्हा दाखल करण्यात आला आहे.
याबाबत माहिती अशी की तालुक्यातील एका गावात राहणाऱ्या व हात मजुरी करून उदरनिर्वाह करणाऱ्या एका व्यक्तीची 17 वर्षीय मुलगी ५ रोजी रात्री 10 ते सकाळी ४ वाजेच्या दरम्यान झोपलेली असताना संशयित गोपाल मच्छिंद्र कोळी याने तिला काहीतरी आमिष दाखवून फूस लावून पळवून नेल्याची फिर्याद दिल्यावरून मेहुणबारे पोलीस स्टेशनला गोपाल कोळी याच्याविरुद्ध गुन्हा दाखल करण्यात आला असून तपास पोलीस नाईक कुशल शिंपी करीत आहे.