कोलकाता ;- पश्चिम बंगालमध्ये पंचायत निवडणुकांच्या पार्श्वभूमीवर उसळलेल्या हिंसाचारात भाजपच्या एका कार्यकर्त्याची हत्या करण्यात आली आहे. सबांगनंतर सोमवारी पुरुलियामध्ये भाजप कार्यकर्त्याचा मृतदेह सापडला.रविवारी सकाळी निवडणूक प्रचारासाठी निघाल्यानंतर हा भाजप कार्यकर्ता अचानक बेपत्ता झाला होता. केंद्री ते झरियाडी गावाकडे जाणाऱ्या कच्च्या रस्त्यावर सोमवारी सकाळी 7 वाजता त्याचा रक्ताने माखलेला मृतदेह स्थानिकांना आढळून आला. केंदडी गावात घडलेल्या या घटनेने येथे मोठी खळबळ उडाली.
पोलिसांनी सांगितले की, बंकिम हंसदा (48) असे या मृत व्यक्तीचे नाव आहे. तो पुरुलियाच्या केंदडी गावचा रहिवासी आहे. पुरुलियाच्या बंडवन विधानसभेच्या केंदडी गावातील ब्लॉक 2 मानबाजारच्या हेन्साला बूथ 202 चे ते भाजपचे सरचिटणीस होते. निवडणुकीपूर्वी दहशत पसरवण्यासाठी टीएमसीच्या कार्यकर्त्यांनी ही हत्या केल्याचा आरोप भाजपने केला आहे.
पोलिसांनी योग्य तपास करून दोषींना अटक करावी. तसेच जोपर्यंत स्निफर डॉग घटनास्थळी येत नाही तोपर्यंत मृतदेह उचलू देणार नसल्याचे स्थानिक भाजप नेत्यांचे म्हणणे आहे.
