भडगाव, लोकशाही न्यूज नेटवर्क
भडगाव शहरातील एका ३० वर्षीय विवाहितेवर अत्याचार करून अत्याचाराचे व्हिडीओ व्हायरल करण्याची धमकी दिल्याचा धक्कादायक प्रकार उघडकीस आला असून एकावर गुन्हा दाखल करण्यात आला आहे.
शहरात ३० वर्षीय विवाहिता ही आपल्या पती, आई-वडील व भाऊसह राहतात. योगेश शिवाजी महाजन याने विवाहितेला त्याच्या दुकानात बोलावून जबरदस्तीने अत्याचार केले. तसेच अत्याचाराचे व्हिडीओ देखील काढले. त्यानंतर पुन्हा व्हिडीओ तुझा पती, आईवडील व भाऊला पाठवून देण्याची धमकी देत गेल्या दोन वर्षांपासून वारंवार अत्याचार केले. इतकेच नव्हेतर विवाहितेला अश्लिल शिवीगाळ करून धमकी देत होता.
दरम्यान हा प्रकार विवाहितेला सहन न झाल्याने त्यांनी भडगाव पोलीस ठाण्यात धाव घेतली. विवाहितेने दिलेल्या फिर्यादीवरून संशयित आरोपी योगेश शिवाजी महाजन याच्या विरोधात अत्याचाराचा गुन्हा दाखल करण्यात आला आहे. याप्रकरणी पुढील तपास पोलीस निरीक्षक अशोक उतेकर करीत आहे.
