भडगाव, लोकशाही न्यूज नेटवर्क
भडगाव तालुक्यातील व शहरातील गिरणा नदी पात्रातून सर्रास अवैध वाळू उपसा सुरू असून या बाबत भडगाव तहसिलदार मुकेश हिवाळे व त्यांच्या पथकाने काल मध्यरात्री गिरणा नदी पात्रातून सहा ब्रास अवैध वाळू भरलेला दहा टायरी डंपर पकडला. यावेळी पथकामध्ये तहसिलदार मुकेश हिवाळे, भडगाव तलाठी अविनाश जंजाळे, तलाठी योगेश ब्राम्हणे, सुनील मांडोळे, संभाजी पाटील, चालक लोकेश वाघ आदी पथकात सहभागी होते. सदरचे डंपर हे भडगाव शासकीय विश्राम गृह येथे जमा करण्यात आले असून यावर दंडात्मक कारवाई करण्यात येईल अशी माहिती तहसीलदार मुकेश हिवाळे यांनी दिली आहे.
