पाचोरा : लोकशाही न्युज नेटवर्क
शहरातील भडगाव रोडवरील पांडव नगरी येथे राहत्या घरात ५५ वर्षीय इसमाने गळफास लावून आत्महत्या केल्याची घटना २६ मे रोजी सकाळी ११ वाजेच्या सुमारास समोर आली आहे. घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे.
शहरातील भडगाव रोडवरील पांडव नगरी येथील रहिवाशी राजु लुकडु पाटील (वय – ५५ वर्ष) यांनी आपल्या राहत्या घरातील छताला गळफास लावून आत्महत्या केल्याची घटना २६ मे रोजी सकाळी ११ वाजेच्या सुमारास उघडकीस आली आहे. राजु पाटील यांना तात्काळ पाचोरा ग्रामीण रुग्णालयात दाखल केले असता वैद्यकीय अधिकारी यांनी राजु पाटील यांना मृत घोषित केले. राजु पाटील हे टेलरिंग काम करुन आपला व परिवाराचा उदरनिर्वाह चालवित होते. मयत राजु पाटील यांच्या पाश्चात्य पत्नी, एक मुलगा, एक मुलगी असा परिवार आहे. राजु पाटील यांनी गळफास घेतला त्यावेळी घरात कुणीही नव्हते. पत्नी व मुले हे भोपाल येथे नातेवाईकांकडे खाजगी कार्यक्रमासाठी गेले होते. राजु पाटील यांनी आत्महत्येसारखे टोकाचे पाऊल का उचलले ? हे अद्याप स्पष्ट होऊ शकले नाही.
