पाळधी. ता. धरणगाव, लोकशाही न्यूज नेटवर्क
बांभोरी येथील गिरणा नदी पुलावर ट्रक ओव्हरटेक करत असताना ट्रॅक्टरला जोरदार धडक दिल्याने एका ट्रॅक्टरचा एक्सेल तुटल्याने दोन तुकडे झाले. त्यामुळे पुलावर मोठा अनर्थ टळला, परंतु मोठ्या प्रमाणात वाहतुकीचे कोंडी झाल्याने प्रवाशांचे अतोनात हाल झाले. यावेळी हॉटेल गोविंद ते खोटे नगरपर्यंत वाहनांची मोठी रांग लागली होती.
दरम्यान, पोलिस प्रशासनाने क्रेनच्या सहाय्याने ट्रॅक्टर बाजूला करून ट्राफिक काढण्यास मोठी कसरत करावी लागली. सुमारे तीन तास वाहनांची रांग लागली होती.