भुसावळ :- रेल्वे प्रशासनाने प्रवाशांच्यां सुविधेकरीता दिनांक 19 मार्च 2019 पासून नांदेड हजरत निजामुद्दीन मराठवाड़ा संपर्क क्रांती एक्सप्रेस ही साप्ताहिक गाडी सुरु करण्याचा निर्णय घेतला असून ही गाड़ी दर मंगळवार व दर बुधवार रोजी नांदेड़ व हजरत निजामुद्दीन येथून धावणार आहे.
गाडी क्रमांक 12753 नांदेड हजरत निजामुद्दीन मराठवाड़ा संपर्क क्रांती एक्सप्रेस ही साप्ताहिक गाडी नांदेड़ येथून दिनांक 19 /3/2019 पासून दर मंगळवारी नांदेड़ येथून सकाळी 8 वाजता निघेल. ही गाडी दस- या दिवशी दुपारी 1 वाजता हजरत निजामुद्दीन येथे पोहचेल.
तर गाडी क्रमांक 12754 ही गाड़ी हजरत निजामुद्दीन येथून 20/3/2019 रोजी पासून दर बुधवारी संध्याकाळी 7.50 वाजता निघेल व दुस-या दिवशी रात्री 1 वाजता ( शुक्रवार ) रोजी नांदेड येथे पोहचणार आहे . दरम्यान प्रवासात ही गाड़ी परभणी, जालना, औरंगाबाद, मनमाड, जळगाव, भोपाळ, झाशी, आणी आग्रा कैट या स्थानकावर थांबणार आहे. तरी प्रवाश्यानी या सुविधेचा लाभ घ्यावा असे आवाहन रेल्वे प्रशासनाने केले आहे.
