जळगाव, लोकशाही न्यूज नेटवर्क
जळगाव शहरातील गणपती नगरमधून एक दुचाकी लंपास करत असतानांच एकाला रंगेहात पकडले आहे. याप्रकरणी रामानंद नगर पोलीस ठाण्यात एकावर गुन्हा दाखल करण्यात आला आहे.
सचिन प्रतिमदास जेठवाणी (वय ३५, रा. गणपती नगर जळगाव) हे आपल्या कुटुंबियांसह राहतात. २६ ऑगस्ट रोजी मध्यरात्री २ वाजेच्या सुमारास संशयित आरोपी राजूल गणेश महाजन (वय २०, रा. सुलतान चौक तांबापूर) सचिन जेठवाणी यांची दुचाकी (एमएच १९ डीसी ५७११) घेवून जात असतांना त्याला रंगेहात पडकले.
यावेळी नागरीकांना त्याला चांगला चोप दिला असून रामानंदनगर पोलीसांच्या ताब्यात देण्यात आाले आहे. याप्रकरणी सचिन जेठवाणी यांच्या फिर्यादीवरून रामानंद नगर पोलीसात गुन्हा दाखल करण्यात आला आहे. पुढील तपास पोलीस नाईक सुशील चौधरी करीत आहे.
