जळगाव, लोकशाही न्यूज नेटवर्क
राज्यभरात कोरोनाचा प्रादुर्भाव दिवसागणिक वाढताना दिसत आहे. जळगाव जिल्ह्यात मागील चोवीस तासात तब्बल २६६ बाधित रूग्ण आढळून आले आहेत. तर ३९ जणांनी कोरोनावर मात केलीय. यात सर्वाधिक रुग्ण हे जळगाव शहर भुसावळ, चोपडा, चाळीसगाव येथे आढळून आले आहेत. होम आयसोलेशन केलेल्या पॉझिटिव्ह रुग्णाची संख्या १४६८ इतकी आहे. जिल्ह्याचा रिकव्हरी दर ९८. १८% इतका आहे.
असे आढळले बाधित
जळगाव जिल्ह्यात आज दिवसभरात एकुण २६६ कोरोना रूग्ण आढळून आले आहे. यात जळगाव शहरात १११, जळगाव ग्रामीण १, भुसावळ ७१, अमळनेर ६, चोपडा ३५ , पाचोरा २, धरणगाव १ , यावल ३ , एरंडोल१, जामनेर १, रावेर २, पारोळा २, चाळीसगाव २९ , आणि इतर जिल्ह्यातील १.